Zerbitzuak
Donostiako Erreal Klub Nautikoak hainbat zerbitzu eskaintzen ditu bela- eta piragua-jardueretan parte hartu nahi duen edonorentzat. Era berean, jarduera soziokulturalen programa bat ere eskaintzen du bere egoitza nagusian.
Bela eta Piragua Eskola
Donostiako portu-esparruaren barruan, Kaiarriba inguruan, Bela eta Piragua Eskolaren instalazioak daude. Bertan, aldagelak, erreminta-gela, karelez kanpoko motorrak, eta Optimist eta bestelako belaontzi arinak zamatzeko egitura daude.
Bela eta piragua-hastapeneko ikastaroak
Haurrentzat eta helduentzat.
Hastapeneko ikastaro espezializatuak
Eskolei, lanbide-heziketako zentroei, unibertsitateei, elkarteei edo enpresei zuzendutakoak.
Hitzaldiak eta erakusketak
Itsas munduarekin lotutako gaiei buruz.
Donostiako Errege Klub Nautikoak Kontxako badiaren ainguratze-eremua kudeatu eta antolatzen du ekainaren 1etik irailaren 30era. Badian belaontzientzako eta motordun ontzientzako 170 buia daude. Ainguratze-eremu horrek kortesiazko amarralekuak ditu iragaitzazko ontzientzat, bai eta bote zerbitzu bat eta VHF irrati-zerbitzua eguneko 24 ordutan, erabiltzaileen beharrei erantzuteko eta iragaitzazko ontziei eta estropadetan parte hartzen dutenei harrera emateko.
Donostiako Erreal Klub Nautikoko bazkideek honako zerbitzu eta instalazio hauek dituzte erabilgarri:
Taberna – Jatetxea
Elkartzeko egongelak
Hitzaldi, proiekzio eta ikus-entzunezkoen aretoa
Joko-aretoa: bridge eta kanasta
Emakumezkoen eta gizonezkoen aldagelak
Gimnasioa eta kirol-ikastaroak
Solariuma
Frontoi txikia
Urpekaritza eta Igeriketa Atala
Mari kalean, bazkideen eta kirol-bazkideen material nautikoa (bela arina, piraguak, wind surf oholak, etab.) gordetzeko biltegi bat dago, eta, ontziralekuaren ondoan, piraguak biltegiratzeko zamaketa-gune bat du klubak.
Instalazioak
Donostiako Errege Klub Nautikoa Kontxako hondartzaren lehen lerroan dago kokatuta, kaiko sarreran eta udaletxearen ondoan.
